Kryeministri belg Alexander De Croo paralajmëroi Izraelin kundër përdorimit të urisë si një “armë lufte” në Rripin e Gazës. Sipas raportit, De Croo i kërkoi gjithashtu qeverisë izraelite të hapte më shumë pika kufitare për kalimin e ndihmave.
“Unë shoh sot se shumë në Gaza janë në rrezik nga uria,” tha De Croo gjatë një turneu në Lindjen e Mesme.
“I takon Izraelit të provojë se uria nuk do të përdoret si armë lufte,” tha ai.
Kryeministri belg tha se gjithashtu vendi i tij “vazhdon të mbështesë UNRWA” dhe e përshkroi atë si “shtylla kurrizore e ndihmës për njerëzit në Gaza”.
Ai i shprehu gjithashtu ngushëllimet e tij për Philippe Lazzarini, sekretarin e përgjithshëm të Agjencisë së OKB-së për Ndihmë dhe Punë për Refugjatët Palestinzë (Unrëa), për më shumë se 160 punonjës që janë vrarë që nga fillimi i luftës Izrael- Hamas. /abcnews
