Komisioni Qendror i Zgjedhjeve ka njoftuar se të gjitha qendrat e vendvotimit janë hapur me kohë.
Zëdhënësi i KQZ-së, Valmir Elezi përmes një njoftimi për media ka thënë se janë hapur gjithsej 888 qendra të votimit me 2 mijë e 382 vendvotime.Komisioni Qendror i Zgjedhjeve ka bërë të ditur se materialet zgjedhore janë përcjellë në çdo vendvotim të Kosovës pavarësisht problemeve me komunikacion si pasojë e motit të ligë.
“KQZ njofton se në orët e hershme të mëngjesit dhe më kohë është shpërnda materiali i ndjeshëm zgjedhor ku bëjnë pjesë edhe fletëvotimet për të gjitha qendrat e votimit. Po ashtu njoftojmë se të gjitha qendrat e votimit janë 888 me gjithsej 2382 vendvotime janë hapur në orarin e paraparë. Sipas kontakteve që kemi me zyrtarët tanë në terren procesi i votimit në orët e para është duke u zhvilluar normalisht”, ka thënë Elezi.
