Shtabi i Përgjithshëm i Koresë së Jugut (JCS) njoftoi se ndaj 10 ushtarëve të Koresë së Veriut që kaluan “për pak kohë” kufirin u hap zjarr paralajmërues, transmeton Anadolu.
Sipas lajmit të Yonhap, në një deklaratë nga JCS thuhet se 10 ushtarë të Koresë së Veriut kaluan “për pak kohë” Vijën Kufitare Ushtarake (MDL) që ndodhet brenda Zonës së Çmilitarizuar (DMZ).
Në deklaratë thuhet se në drejtim të ushtarëve në fjalë u kryen të shtëna paralajmëruese dhe paralajmërim në formën e njoftimit zanor dhe është ndarë informacioni se këta ushtarë janë kthyer në vendin e tyre.
Më tej theksohet se aktivitetet ushtarake të Koresë së Veriut po monitorohen nga afër dhe po merren masat e nevojshme.
Kujtojmë se një grup prej 20 deri në 30 ushtarësh nga Koreja e Veriut në qershor të vitit 2024 kaluan kufirin për një kohë të shkurtër.
