Kryeinspektori i Komunës së Prishtinës, Adonis Tahiri ka thënë se në aksionin që kishin ndërmarr ndaj subjekteve politike për organizim të tubimeve gjatë fushatës zgjedhore, nga 20 gjoba të shqiptuara janë paguar 10 prej tyre.
Tahiri përmes një statusi në rrjetin social në Facebook ka shkruar se Lëvizja Vetëvendosje (LVV) ka paguar gjashtë gjoba, Partia Demokratike e Kosovës (PDK) ka paguar tre gjoba si dhe Aleanca Kosova e Re (AKR) një gjobë.
Postimi i plotë:Që në fillim të aksionit ndaj subjekteve politike për organizim të tubimeve, kemi thënë se do t’i publikojmë gjobat, por edhe pagesat eventuale.
Nga raporti mujor financiar i shkurtit, kuptojmë se nga 20 gjoba të shqiptuara, 10 janë paguar deri tash:
– LVV ka paguar 6 gjoba;
– PDK ka paguar 3 gjoba;
– AKR ka paguar 1 gjobë.
Të papaguara ende, mbesin:
-LDK 5 gjoba;
-AAK 3 gjoba;
-LVV 1 gjobë;
-NISMA 1 gjobë.
Secila gjobë e papaguar, do të procedohet për përmbarim, brenda afatit të caktuar bazuar në legjislacionin në fuqi.
ASKUSH MBI LIGJIN!
