Kolonët fanatikë hebrenj dëmtuan makinat e palestinezve në Bregun Perëndimor të pushtuar, duke shkruar slogane raciste në muret e godinave.
Dëshmitarët thanë se kolonët fanatikë hebrenj bastisën qytetin Al-Bireh, afër Ramallah gjatë natës së kaluar.
Kolonët dëmtuan gomat e tre makinave palestineze me mjete të mprehta dhe spërkatën me bojë disa prej tyre.
Sulmuesit u panë gjithashtu duke shkruar slogane raciste hebraike që synonin palestinezët në muret e disa godinave.
Organizata radikale hebreje “Pay the Price”, e cila është vënë në qendër të vëmendjes me sulmet që synojnë pronën palestineze, po kryen sulme të ngjashme në Jerusalemin Lindor të pushtuar dhe Bregun Perëndimor, si dhe në fshatrat dhe qytetet palestineze në Izrael.
Ka më shumë se 250 vendbanime të paligjshme hebreje në Bregun Perëndimor, të cilin Izraeli e pushtoi në vitin 1967.
Gati 450.000 kolonë hebrenj që banojnë në këto vende e bëjnë jetën më të vështirë për palestinezët që jetojnë nën okupim në Bregun Perëndimor.
Sipas ligjit ndërkombëtar, të gjitha vendbanimet hebraike në territoret e pushtuara konsiderohen të paligjshme. /trt
