Të gjitha kampionatet e futbollit në Evropë janë pezulluar shkaku i përhapjes së COVID-19.
Por ekziston një vend që nuk dëshiron të dëgjojë për këtë gjë dhe futbolli po luhet normalisht, sezoni sapo ka nisur.
Bëhet fjalë për Kampionatin e Bjellorusisë, që sot vazhdon me ndeshjet e xhiros së katërt.
Me fillim në orën 18:00, Neman takohet me Belshinan dhe kjo është ndeshja e vetme në orar sot në Evropë, shkruan zëri.info.
Në mediet sportive në Evropë po raportohet për këtë ndeshje, ku u bëhet thirrje tifozëve të futbollit se sot kanë mundësi të shikojnë këtë ndeshje, në kohën kur sporti më i dashur në botë vazhdon pezullimin.