Disa rajone të Kinës kanë vendosur të japin të paktën 30 ditë pushim shtesë të lehonisë, në mënyrë që të inkurajojnë lindjet në një vend që po përballet me plakjen e popullsisë dhe uljen e numrit të punëtorëve.
Autoritetet po lejojnë të gjithë kinezët të kenë tre fëmijë këtë vit. Ata shpresojnë të ringjallin shkallën e lindjeve, e cila ra në nivelin më të ulët në më shumë se 40 vjet vitin e kaluar.
Qeveria komunale e Pekinit njoftoi se gratë tani do të mund të marrin 158 ditë pushim lehonie, 30 më shumë se më parë.
Autoritetet në Shangai, qyteti më i populluar i vendit (25 milionë banorë), kanë njoftuar masa të ngjashme.
Në provincën bregdetare të Zhejiang (lindje), nënat e një fëmije të dytë ose të tretë do të përfitojnë nga leja e lehonisë prej 188 ditësh, ose më shumë se 26 javë, deklaroi agjencia zyrtare e lajmeve China New. /atsh
