Kina ka nisur një satelit të ri për të studiuar mjedisin hapësinor, njoftuan mediat lokale, transmeton Anadolu Agency (AA).
Sipas transmetuesit CGTN, sateliti eksperimentues u dërgua në orbitën e planifikuar rreth orës 07:01 të mëngjesit sipas kohës lokale nga Taiyuan Satellite Launch Center në provincën veriore të Kinës, Shanxi.
Një raketë transportuese Long Mars-4B e ndërtuar në mënyrë autoktone u përdor për të lëshuar satelitin e tretë të serisë Shiyan-6.
Kina ka lëshuar dy satelitët e parë Shiyan-6 duke përdorur raketë Long March-2D në nëntor të vitit 2018 dhe korrik të vitit 2020 me objektiva të ngjashëm.
Sateliti pritet të kryejë studimin e mjedisit hapësinor dhe të zhvillojë eksperimente mbi teknologjitë e lidhura.
Kjo është nisja e 365-të nga seria e raketave Long March. Raketa Long March-4B është e aftë të lëshojë lloje të ndryshme të satelitëve në orbita të ndryshme dhe mund të lëshojë satelitë të shumtë në një fluturim të vetëm. /aa
