Të paktën katër persona janë vrarë nga një sulm izraelit në tendat e personave të zhvendosur në klubin sportiv Al Jazeera në qytetin e Gazës.
Ushtria izraelite tha se që nga tetori ka konfiskuar “mbi 85,000 armë, raketa dhe sende ushtarake” që dyshohet se i përkasin Hezbollahut në Libanin jugor.
Hamasi tha se Izraeli ka vendosur kushte të mëtejshme për një marrëveshje armëpushimi, ndërsa Netanyahu akuzoi grupin palestinez për kthim prapa në mirëkuptimet e arritura tashmë.
Të paktën tre persona u vranë gjatë një sulmi izraelit në një tendë që strehonte persona të zhvendosur në qytetin e Gazës.
Media izraelite Haaretz raporton se gjatë një vizite në Korridorin e Filadelfit, ministri i Mbrojtjes Israel Katz tha se kontrolli i sigurisë në Gaza do të mbetet në duart e ushtrisë izraelite.
Grupi Houthi i Jemenit ka marrë përsipër një sulm në zonën industriale izraelite në zonën e Ashkelon.
Ushtria izraelite po përgatitet të qëndrojë ndoshta në Libanin jugor pas 60 ditëve të dakorduara në marrëveshjen e armëpushimit, raportoi gazeta izraelite e lajmeve Haaretz.
Mediat izraelite po raportojnë se komentet e Netanyahu dhe ministrit të mbrojtjes për një marrëveshje armëpushimi janë “të dëmshme” dhe kanë shkaktuar “dëm të madh” në përpjekjet që po bëhen.
Një palestinez është qëlluar dhe vrarë nga forcat izraelite në qytetin Qaffin, në veri të Tulkarem në Bregun Perëndimor të pushtuar.
Të paktën pesë palestinezë u vranë dhe rreth 20 u plagosën nga një bastisje izraelite në një shtëpi në lagjen Zeitoun, në jug të qytetit të Gazës, raportuan kolegët tanë në terren thotë Aljazeera.
Një vajzë tre javore ngriu për vdekje gjatë natës në zonën al-Mawasi jashtë Khan Younis në Gazën jugore.
Izraeli ka vrarë të paktën 23 palestinezë dhe ka plagosur 39 në të gjithë Gazën në 24 orët e fundit.
Monitoruesi i krizës ushqimore i themeluar nga SHBA thotë se një zi buke po shpaloset në Gazën veriore mes bllokadës pothuajse totale të Izraelit ndaj furnizimeve ushqimore.
Të krishterët në Gaza shënojnë një Krishtlindje të zymtë, duke u lutur për t’i dhënë fund vrasjeve dhe shkatërrimit të Izraelit, ndërsa në qytetin e pushtuar të Bregut Perëndimor të Betlehemit – vendlindja e Jezusit – shumë ia kushtojnë lutjet e tyre viktimave të gjenocidit të Izraelit.
Në Liban, kryeministri Najib Mikati i bëri thirrje komitetit monitorues të udhëhequr nga SHBA-ja dhe Franca që të ushtrojë presion ndaj Izraelit që të pushojë shkeljet e armëpushimit me Hezbollahun dhe të tërhiqet nga jugu i vendit.
Lufta e Izraelit në Gaza ka vrarë të paktën 45,361 palestinezë dhe ka plagosur 107,803 që nga 7 tetori 2023. Të paktën 1,139 njerëz u vranë në Izrael gjatë sulmeve të udhëhequra nga Hamasi atë ditë dhe më shumë se 200 u zunë peng.
