Mbështetja e kryeministrit italian Mario Draghi për vaksinimin e detyrueshëm ka shkaktuar një stuhi mes ligjvënësve të vendit.
Kreu i partisë nacionaliste të krahut të djathtë ”Vëllezërit e Italisë”, Giorgia Meloni, tha se ajo e kundërshtoi këtë veprim në komentet për gazetën La Stampa, duke u rreshtuar kështu me ish-ministrin e Brendshëm Matteo Salvini, gjithashtu kundër bërjes së vaksinimit të detyrueshëm.
“Unë mendoj se Salvini ka të drejtë të marrë një qëndrim të arsyeshëm, të cilin ne e mbështesim dhe të cilin e ndajnë shumica e vendeve evropiane,” theksoi ajo.
Draghi tha të enjten se mund të konsiderojë futjen e një kërkese të përgjithshme të vaksinimit gjatë një deklarate për shtyp.
Parakushti do të ishte që rregullatorët mjekësorë evropianë dhe italianë të ndryshojnë klasifikimin e tyre të vaksinave si ilaçe emergjente të miratuara me kusht, dhe në vend të kësaj të lëshojnë një miratim të plotë.
Komentet e tij u mirëpritën nga disa, siç ishte lideri socialdemokrat Enrico Letta.
Ministri i Shëndetësisë Roberto Speranza vuri në dukje se vaksinat tashmë janë të detyrueshme për profesionistët e shëndetit në vend. /atsh
