Autoritetet në Kazakistan kanë arritur të evakuojnë 65 persona të bllokuar në rrugë për shkak të borës dhe stuhisë në provincën Abay në lindje të vendit, transmeton Anadolu.
Drejtoria e Policisë në Abay tha në një deklaratë se për shkak të reshjeve të dendura të borës dhe rritjes së efektit të stuhisë, rrugët janë mbyllur për qarkullim dhe shumë persona kishin mbetur të bllokuar në automjetet e tyre.
Ekipet e policisë kanë nxjerrë të bllokuarit dhe i kanë vendosur në bujtina të përkohshme.
Autoritetet u bënë thirrje banorëve vendas që të mos udhëtojnë derisa të përmirësohen kushtet e motit dhe deklaruan se duhet të ndiqen paralajmërimet e policisë dhe të kërkohet ndihmë nëse është e nevojshme.
