Qeveria e Republikës së Kosovës ka zhvilluar mbrëmë një mbledhje elektronike, në të cilin ka miratuar disa pika të rendit të ditës.
Sipas njoftimit të lëshuar nga zyra e kryeministrit thuhet se është miratuar kërkesa për dhënien në shfrytëzim të objektit për trajtimin e nënprodukteve shtazore në lokacionin Zona Industriale, Sankoc, Komuna e Gllogocit.
Qeveria ka miratuar gjithashtu edhe Programin për Parandalimin dhe Zvogëlimin e Barrës Administrative 2025-2028 dhe Planin e Veprimit 2025-2026, Programin e Pronësisë Industriale 2025-2027, si dhe Planin e Veprimit 2025-2027 për zbatimin e Strategjisë së Reformës së Administratës Publike 2022-2027.
