Fondacioni i Katarit ka nënshkruar me komunën e Mitrovicës që të ndërtoj një fshat për familjet që i kanë kushtet e rënda ekonomike.
Totali i këtij projekti pritet të jetë dy milionë euro, shkruan Indeksonline.
Marrëveshja është nënshkruar nga Drejtori i Menaxhmentit të Projekteve të këtij fondacioni, Khalid Abdullah Al Yafie dhe Kryetari i Mitrovicës, Agim Bahtiri.
Prezent ishin edhe ambasadori i Katarit në Kosovë, Ali bin Hamad Al Marri dhe Zëvendësministri i Ministrisë së Punëve të Brendshme të Kosovës, Salami Shkodra.
Projekti përfshin që në një zonë prej 3.27 hektarë, të ndërtohen 40 shtëpi, shkollë, një shtëpi shëndeti, qendër e shërbimeve, xhami, dyqane dhe hapësira të gjelbra.
Fondacioni i Katarit do të mbuloj 1.5 milionë euro të shpenzimeve, ndërsa komuna e Mitrovicës do të mbuloj pjesë e infrastrukturës.
Nga ky projekt pritet të përfitojnë 6000 persona./
