Forcat izraelite po vazhdojnë të sulmojnë dhe rrethojnë Spitalin Kamal Adwan në veri të Rripit të Gazës.
Dronët dhe avionët luftarakë të ushtrisë izraelite sulmuan al-Mawasin, afër qytetit jugor të Khan Younis, duke vrarë të paktën shtatë persona, sipas kolegëve tanë në terren, thotë Aljazeera.
Gazeta izraelite Haaretz raportoi se Benny Gantz, kryetari i Partisë së Unitetit Kombëtar, ka fajësuar Netanyahun për “sabotimin” e negociatave për një marrëveshje të pengjeve. Zyra e Kryeministrit, në përgjigje, e quajti Gantz-in “të nënshtruar”.
Agjencia Kombëtare e Lajmeve e Libanit raportoi se ushtria izraelite ka goditur qytetin Kfar Kila në Libanin jugor në një “operacion të madh bombardimi”.
Sulmet izraelite kanë vrarë të paktën 32 palestinezë dhe kanë plagosur 54 të tjerë në të gjithë Rripin e Gazës në periudhën e fundit të raportimit 24-orësh, sipas përditësimit të fundit ditor nga Ministria e Shëndetësisë në territor.
Ushtria amerikane ka sulmuar kryeqytetin e Jemenit, Sanaa, disa orë pasi një raketë Houthi ra në zonën Tel Aviv-Jaffa në Izrael, duke shkaktuar “lëndime të lehta” në të paktën 14 persona.
Lufta e Izraelit në Gaza ka vrarë të paktën 45,259 palestinezë dhe ka plagosur 107,627 që nga 7 tetori 2023. Të paktën 1,139 njerëz u vranë në Izrael gjatë sulmeve të udhëhequra nga Hamasi atë ditë dhe më shumë se 200 u zunë peng.
