Merrni në konsideratë eliminimin e këtyre 6 gjërave në dhomën e ndenjës, e tëra që do të ndjeni është vetëm një lehtësim dhe krijimin e hapësirës më të madhe…
Nëse jeni në shtëpi, ecni përgjatë dhomës së ndenjës, mbyllni sytë dhe imagjinoni orenditë dhe elementet shtëpiake?
Çfarë mund të vëreni? Një hapësirë qetësuese që ushqen shpirtin tuaj dizajnues? Apo një dhomë të ngarkuar e cila ju shkakton vetëm stres përplot gjëra që ju pengojnë?
Konsideroni 6 gjërat në vazhdim dhe lirohuni nga ngarkesa e orendive shtëpiake, duke përjetuar një lehtësim të mënjëhershëm.
1. Kabllo të dukshëm gjithandej
Këto detaje shqetësuese ju dëmtojnë pamjen e tërë shtëpisë dhe ju bezdisin rregullisht nga modestia apo modernizimi i orendive shtëpiake.
Fshihni këto kabllo dhe do të vëreni mënjëherë një freski në dhomën tuaj dhe tërë vëmendja do të fokusohet në dekorimet tjera, e jo në telat apo kabllot.
2. Jastëkë gjithandej mobiljeve
Megjithëse jastëket janë detaje që mund ta dekorojnë edhe më tej rregullimin e shtëpisë, por ndonjëherë grumbullimi i tyre apo sasia e tepërt mund edhe të ketë efekt të kundërt.
Lironi hapësirën nga gjërat e panevojshme në mënyrë që të organizoni dhomën me pamje më gjallëruese.
3. Rrëmujë në tryezë
Duke filluar nga enët e vjetra e deri te telekomanda e shumë detaje tjera që hidhni mbi tryezë, japin një rrëmujë të pakëndshme për syrin tuaj.
Mbani më të pastërt hapësirën e tryezës, duke e liruar për shërbim të kafesë apo ushqimeve tjera, dhe largoni gjërat që qëndrojnë pa kuptim aty.
4. Ulëse të dobëta të paqëndrueshme
Nëse keni ndonjë ulëse në dhomën e ndenjës dhe nuk ju pëlqen të uleni për shkak se nuk ndiheni rehat apo jostabil nga butësia e materialit, pse e mbani akoma aty? Zëvendësojeni me ndonjë detaj tjetër që ju bën të ndiheni më komod gjatë uljes.
5. Skaje apo qoshe boshe pa aspak gjallëri
Meqenëse dhoma e ndenjës ka tendencë të freskojë dekorin e tërë shtëpisë suaj, është shumë e domosdoshme që skajet apo qoshet e dhomës të jenë të rregulluara me mjeshtri, të cilat në varësi të madhësisë, shtrirjes apo konfigurimit mund të jenë pikat qendrore për zbukurim apo edhe si pikat mezi të dukshme.
6. Ndriçim i dobët
Ndriçimi luan rol shumë të rëndësishëm në pamjen e shtëpisë suaj – ju duhet të siguroni ndriçimin e nevojshëm në tërë hapësirën e shtëpisë suaj. Kjo mund të bëhet përmes ndonjë llambadari të madh apo detaje tjera të llambave ose qirinjve dekorues, në mënyrë që të eliminoni ndriçimin e dobët./Mesazhi/
