Siç kemi raportuar, misioni paqeruajtës i OKB-së në Libanin jugor tha se ishte edhe një herë në shënjestër nga ushtria izraelite, raporton Aljazeera.
Kjo nuk është hera e parë që një bazë e Forcave të Përkohshme të Kombeve të Bashkuara në Liban (UNIFIL) sulmohet që kur Izraeli nisi një operacion tokësor në jug të Libanit në fillim të tetorit.
Forcat izraelite plagosën të paktën pesë paqeruajtës dhe qëlluan mbi ta, qëlluan në kamerat e monitorimit, shënjestruan postat e vëzhgimit dhe shkatërruan portën e një baze të UNIFIL-it në Ramyah.
Sulmet vijnë pasi kryeministri izraelit Benjamin Netanyahu i kërkoi shefit të OKB-së Antonio Guterres që të largonte paqeruajtësit nga zonat e luftimit, duke pretenduar se prania e tyre po siguronte një “mburojë njerëzore” për Hezbollahun. Misioni i OKB-së deri më tani ka refuzuar të zhvendoset.
UNIFIL përbëhet nga rreth 10,000 paqeruajtës nga 50 vende. Bazat e saj shtrihen në një territor që shtrihet për më shumë se 1000 kilometra katrorë midis kufirit de fakto jugor të Libanit dhe lumit Litani. /mesazhi
