Që nga 7 tetori 2023, Izraeli ka shtuar ndjeshëm sulmet ndaj gazetarëve në territoret palestineze të pushtuara, ka deklaruar gazetari dhe autori Antony Lowenstein për Al Jazeera, duke iu referuar studimeve që ndjekin numrin e punonjësve të medias të vrarë në konflikte të ndryshme.
“Sipas një studimi të projektit Cost of War të Universitetit Brown, numri i gazetarëve të vrarë në Gaza është më i madh se ai i të gjitha konflikteve të 100 viteve të fundit së bashku,” theksoi Lowenstein.
Ai shtoi se këto shifra tregojnë për një “shënjestrim të qëllimshëm të gazetarëve”.
Lowenstein kritikoi gjithashtu standardet e dyfishta të mediave perëndimore:
“Kur Kina, Rusia apo Irani sulmojnë gazetarë, ka reagim të madh. Por kur e bën Izraeli, ka shumë më pak interesim,” tha ai. “Mungesa e zemërimit ndërkombëtar flet shumë për mënyrën se si shtypi global krijon një hierarki të vlerës së jetës – dhe palestinezët nuk janë në majë të kësaj liste.”
Vrasjet e gazetarëve në Gaza kanë nxitur shqetësime të thella rreth lirisë së shtypit, mosndëshkimit dhe mbrojtjes së punonjësve të medias në zonat e konfliktit. Ndërkohë, kërkesat për hetime ndërkombëtare dhe përgjegjësi ligjore po shtohen nga organizata të të drejtave të njeriut në mbarë botën. /mesazhi
