Ushtria izraelite ka deklaruar se eskalimi i saj në Gaza, që ka shkaktuar të paktën 436 viktima, ka si qëllim krijimin e një “zonë tampon” të pjesshme në territor.
Në një postim në X, ushtria shkroi se gjatë 24 orëve të fundit, forcat e saj “kanë filluar një operacion të fokusuar tokësor në qendër të Rripit të Gazës dhe në jug, me qëllim zgjerimin e zonës së sigurisë dhe krijimin e një zone tampon të pjesshme mes veriut dhe jugut të Rripit”.
Ushtria shtoi se si pjesë e operacionit, forcat izraelite rimorën kontrollin e Korridorit Netzarim, nga i cili ishin tërhequr në shkurt gjatë fazës së parë të armëpushimit. Ky korridor, i krijuar nga Izraeli, ndan Gazën veriore nga ajo jugore.
