Ministri i Mbrojtjes i Izraelit, Israel Katz, ka deklaruar se ushtria izraelite po merr nën kontroll “zona të mëdha” të Gazës dhe do të ruajë një zonë të gjerë të sigurisë përgjatë kufirit me Egjiptin, përfshirë korridorin strategjik të Filadelfisë, edhe nëse arrihet një marrëveshje për t’i dhënë fund luftës.
Gjatë një vizite në të ashtuquajturin “korridori Morag”, midis qyteteve jugore të Gazës, Rafah dhe Khan Younis, Katz tha se qeveria izraelite po punon gjithashtu për të avancuar planin e ish-presidentit amerikan Donald Trump për zhvendosjen e detyruar të palestinezëve nga Gaza.
“Zona të mëdha po pushtohen dhe po shtohen në zonat e sigurisë së Izraelit, duke e lënë Gazën më të vogël dhe më të izoluar,” deklaroi Katz.
Ai paralajmëroi se ushtria do të “kalojë në një fazë të re të luftimesh më intensive në gjithë Gazën, derisa të lirohen pengjet dhe Hamasi të mposhtet.”
Palestinezët dhe organizatat për të drejtat e njeriut e kanë cilësuar këtë plan si një formë të spastrimit etnik. /mesazhi
