Ministri izraelit i Mbrojtjes, Yoav Gallant, deklaroi se do të “intensifikojnë” sulmet kundër Hezbollahut në Liban, transmeton Anadolu.
Gallant, i cili vizitoi qytetin Safed në Izraelin verior, dha një mesazh në lidhje me sulmet kundër Hezbollahut në një deklaratë me video.
Gallant deklaroi se kanë “goditur rëndë” Hezbollahun në javët e fundit dhe se do ta rrisin intensitetin e sulmeve.
Ministri izraelit i Mbrojtjes theksoi se janë të vendosur të kthejnë në shtëpitë e tyre të zhvendosurit në veri të Izraelit.
– 748 të vdekur nga sulmet e Izraelit në Liban
Ushtria izraelite, e cila ka vazhduar përleshjet me Hezbollahun që nga 8 tetori, ka kryer qindra sulme ajrore në qytetet jugore të Libanit, si dhe më 23 shtator në rajonet Bekaa dhe Baalbek.
Sipas autoriteteve libaneze, 748 persona kanë humbur jetën në sulmet ajrore të intensifikuara, ndërsa rreth 150 mijë njerëz janë zhvendosur brenda vendit për shkak të bombardimeve.
