Kryetari i Lidhjes Demokratike të Kosovës, Isa Mustafa, ua ka uruar festën e Fitër Bajramit të gjithë qytetarëve dhe Bashkësisë Islame të Kosovës.
Sipas tij, devotshmëria dhe përulja ndaj Zotit duhet të reflektohet edhe në marrëdhëniet më të mira ndërnjerëzore, të mbizotërojë paqja, dashuria dhe mëshira si vlerat më të larta humane, njofton Klan Kosova.
“Ky muaj nuk ishte i zakonshëm për besimtarët myslimanë, ngase ata nuk takuan njëri tjetrin dhe lutjet i bënë nga shtëpitë e tyre”.
“Kosova ka qenë gjithmonë shembull i tolerancës etnike dhe fetare, ndërsa ky mozaik është pasuri e çmuar e popullit tonë. Populli i Kosovës përmes festave çdoherë e më shumë po i forcojnë dhe kultivojnë vlerat e përbashkëta në shërbim të paqes”.
“Paçi dashuri, mirëkuptim, tolerancë dhe mirëqenie në familjes tuaja. Urime festa e Fitër Bajramit!”
