Gjenerali Gulamriza Jalali, kreu i Agjencisë së Mbrojtjes Civile të Iranit, tha se sulmi kibernetik që bllokoi sistemin e benzinës në vend u krye nga Shtetet e Bashkuara të Amerikës (SHBA) dhe Izraeli.
Në një intervistë për televizionin shtetëror, Jalali foli për sulmin kibernetik që mbylli sistemin e gazit, duke bërë që jashtë stacioneve të formohen vargje të gjata automjetesh.
“Sipas analizave të inteligjencës, sulmi kibernetik ndaj sistemit është kryer nga një vend i huaj, Shtetet e Bashkuara dhe Izraeli”, tha Jalali, ndërsa vijoi me këto fjalë: “Sulmi kibernetik është shumë i vështirë për t’u pastruar sepse ndodh në seksionin e programeve të mesme dhe është mjaft kompleks. Ky është i ngjashëm me sulmin në hekurudhë dhe port. Sipas mendimit tonë, ky sulm është kryer pikërisht nga Shtetet e Bashkuara dhe Sionistët”.
Në Iran, një sulm kibernetik në sistemin e shpërndarjes së benzinës më 26 tetor shkaktoi mungesë shërbimi karburanti dhe radhë të gjata automjetesh u krijuan para benzinatave.
Presidenti Ibrahim Reisi tha se sulmi nuk është “as i pari dhe as i fundit” dhe kërkoi nga autoritetet që të përgatiteshin për të. /trt
