Inteligjenca britanike njoftoi të dielën se forcat ukrainase janë tërhequr nga pozicionet e saja mbrojtëse në Sievierodonetsk të Donbasit, derisa pushtimin rus në këtë rajon e cilësoi “arritje e rëndësishme brenda objektivit të reduktuar.
Siç njofton Britania e Madhe të dielën nëpërmjet një raporti, Rusisë i kanë mbetur edhe disa objektiva për ta pushtuar të gjithë rajonin e Donbasit, ndërsa avancimet e fundit po kryhen në qendrat kryesore të Kramatorskut.
“Është vetëm një nga objektivat sfiduese që Rusisë do t’i duhet t’i arrijë për të pushtuar të gjithë rajonin e Donbasit. Pushtimi i qytetit nga Rusia është një arritje e rëndësishme brenda objektivit. Vendbanimi është një qendër e madhe industriale dhe zë pozicion strategjik në lumin Siverskyi Donets”, thuhet tutje në raport.
Ditëve të fundit, luftime të ashpra po kryhen në Kievi.
Të dielën u regjistrua një sulm me raketa në një ndërtesë në kryeqytet, derisa kryetari i Komunës, Vitali Klitschko, tha se janë regjistruar një i vdekur e dy të lënduar. /koha
