Instituti Albanologjik i Prishtinës ka publikuar së fundmi botimin e tretë të “Vjetarit”, një pasqyrë e detajuar e botimeve, aktiviteteve dhe arritjeve shkencore të institutit gjatë vitit 2023.
“Vjetari 3” paraqet një përmbledhje të punës kërkimore dhe studimeve të realizuara nga studiuesit e institutit, duke reflektuar përkushtimin dhe angazhimin e tyre në fushën e albanologjisë.
Përgatitësit e këtij botimi janë Dr. Nuridin Ahmeti, këshilltar shkencor, si dhe bashkëpunëtorët shkencorë Dr. Valon Shkodra dhe Dr. Faton Krasniqi. Redaktimi i “Vjetarit 3” është kryer nga Dr. Hysen Matoshi, këshilltar shkencor.
Ky botim përfaqëson një burim të vlefshëm për studiuesit, akademikët dhe të gjithë të interesuarit për studimet albanologjike, duke ofruar një panoramë të gjerë të kontributit shkencor të institutit gjatë vitit të kaluar.
Me publikimin e “Vjetarit 3”, Instituti Albanologjik i Prishtinës synon të vazhdojë promovimin e dijes dhe kërkimit shkencor, duke dhënë një kontribut të rëndësishëm në fushën e studimeve albanologjike.
