Për të tretën natë me radhë, trupat e Indisë dhe Pakistanit kanë shkëmbyer zjarr, teksa marrëdhëniet mes dy rivalëve janë përkeqësuar pas sulmit vdekjeprurës në Kashmir, për të cilin India akuzon Pakistanin si përgjegjës.
Ushtria indiane deklaroi se ka pasur “qitje të paprovokuar” me armë të vogla, të “nisur nga Pakistani” përgjatë Linjës së Kontrollit (LOC) që ndan të dy vendet.
“(Trupat tona) u përgjigjën në mënyrë efektive me zjarr të përshtatshëm me armë të vogla,” shtoi ushtria.
Deri tani, Pakistani nuk ka konfirmuar shkëmbimin e fundit të zjarrit.
