India dhe Pakistani kanë rinovuar paktin e Korridorit Kartarpur për pesë vitet e ardhshme, transmeton Anadolu.
Ministria e Punëve të Jashtme e Indisë njoftoi se marrëveshja, e nënshkruar më 24 tetor të vitit 2019 për të lehtësuar vizitën e pelegrinëve të komunitetit Sikh nga India në Gurdwara Darbar Sahib Kartarpur në Pakistan, ishte e vlefshme për një periudhë 5-vjeçare.
Zgjatja e vlefshmërisë së marrëveshjes, sipas ministrisë, do të sigurojë “funksionimin e pandërprerë të korridorit për përdorim nga pelegrinët nga India për të vizituar Gurdwaran e shenjtë në Pakistan”.
Ministri indian i Punëve të Jashtme, Subrahmanyam Jaishankar, tha se qeveria e kryeministrit Narendra Modi “do të vazhdojë të lehtësojë qasjen e komunitetit tonë Sikh në vendet e tyre të shenjta”.
E vendosur rreth 115 kilometra nga qyteti pakistanez Lahore, faltorja e njohur si Kartarpur Sahib Gurudwara është një nga vendet më të nderuara për komunitetin Sikh pasi besohet se atje qëndroi për 18 vjet Baba Guru Nanak, themeluesi i fesë Sikh-e.
Ministria indiane po ashtu njoftoi se New Delhi ka kërkuar nga Islamabadi të heq dorë nga 20 dollarë taksa të shërbimit të vendosur nga Pakistani për pelegrin për vizitë.
