Teksa presidenti amerikan Donald Trump bëri betimin dhe zyrtarisht mori detyrën dje, qytetarë të shumtë amerikanë protestuan kundër tij në më shumë qytete në mbarë vendin, raporton Anadolu.
Edhe në Washington, qytetin ku u mbajtën ceremonitë e betimit, qindra persona protestuan kundër inaugurimit të presidentit Donald Trump
Ata marshuan nëpër rrugët e Washington-it, duke mbajtur pankarta që shprehnin pakënaqësinë e tyre me politikat e Trump.
Qindra njerëz u mblodhën edhe në rrugët e New Yorkut pasi Donald Trump u betua si president, duke mbajtur pankarta të ndryshme dhe duke protestuar inaugurimin e tij.
Protesta u mbajtën edhe në Chicago, Charlotte dhe vende tjera, ku gjithashtu protestuesit shprehën pakënaqësinë e tyre me politikat e Trump-it në ditën e inaugurimit të tij.
– Protesta edhe në Mexico City
Aktivistët dhe migrantët meksikanë u mblodhën në Mexico City për të protestuar kundër inaugurimit të presidentit amerikan Donald Trump për një mandat të dytë.
Protesta u mbajtën edhe para ambasadës së SHBA-së në Mexico City. Këtu, protestuesit madje kishin përgatitur një “pinata” që personifikon presidentin amerikan Donald Trump, duke e goditur atë.
