Grupi Huthi i Jemenit ka deklaruar se ka kryer një tjetër sulm me raketë balistike ndaj aeroportit kryesor të Izraelit dhe gjithashtu ka sulmuar një aeroplanmbajtëse amerikane.
Sipas zëdhënësit ushtarak Yahya Saree, Huthit shënjestruan Aeroportin Ben Gurion me një raketë hipersonike të quajtur “Palestine 2”. “Operacioni arriti me sukses objektivin e tij,” tha Saree.
Megjithatë, ushtria izraelite njoftoi se e kishte interceptuar raketën e lëshuar nga Jemeni përpara se të hynte në hapësirën ajrore izraelite.
Huthit gjithashtu thanë se kishin qëlluar “disa raketa dhe dronë” ndaj aeroplanmbajtëses USS Harry Truman dhe disa anijeve luftarake amerikane, por SHBA nuk raportoi asnjë dëm.
