Siç kemi raportuar, Abu Obeida, zëdhënësi i krahut të armatosur të Hamasit, lëshoi një deklaratë më herët, duke shënuar një vit të luftës së Izraelit në Gaza, raporton Aljazeera.
Ai premtoi se Hamasi do të “vazhdonte luftën në një luftë të gjatë shkatërrimi” dhe foli gjithashtu për fatin e pengjeve izraelitë që mbahen në Gaza.
“Kur bëhet fjalë për pengjet– dua t’i them okupimit dhe familjeve të pengjeve, se mund t’i lironit të gjallë të gjithë pengjet një vit më parë. Por ambiciet e Netanyahut ishin gjithmonë kundër pengjeve dhe kundër familjeve të pengjeve”, tha ai.
“Ne kemi vendosur që nga dita e parë t’i mbajmë pengjet në një vend të sigurt sepse zbatojmë rregullat e fesë sonë dhe rregullat e njerëzimit. Ne po i mbajmë ata në një vend të sigurt për një shkëmbim të të burgosurve,” shtoi ai.
