Sekretari i Përgjithshëm i OKB-së, Antonio Guterres, ka deklaruar se situata humanitare në Gaza është një “makth” dhe nuk është çështje logjistike, por mungesë vullneti politik dhe respekti për ligjin ndërkombëtar humanitar.
Ai theksoi se ndihma humanitare po bllokohet në mënyrë të papranueshme, ndërsa situata përkeqësohet nga rrethimi brutal 60-ditor i veriut të Gazës nga ushtria izraelite, që pengon aksesin në ujë, ushqim dhe ilaçe. Guterres gjithashtu dënoi vrasjen e punonjësve humanitarë dhe akuzoi Izraelin për përdorimin e urisë si armë kundër popullsisë palestineze.
