Myslimanët me prejardhje afrikane që jetojnë në Gjermani, po përballen me diskriminim gjithnjë në rritje për shkak të niveleve shqetësuese të islamofobisë. Kjo deklaratë vie nga një grup monitorues i OKB-së.
Ricardo Sunga, kryetar i Grupit të Punës së eskpertëve të OKB-së lidhur me diskriminimin, njoftoi rezultatet pas një vizite në Gjermani.
“Myslimanët me prejardhje afrikane janë duke u përballur gjithnjë e me më shumë vështirësi në gëzimin e të drejtave të tyre. Kjo vie për shkak të rritjes së islamofobisë dhe afrofobisë,” tha ai.
Duke vlerësuar promovimin e të drejtave të njeriut dhe diversitetit të Gjermanisë, Sunga shprehu shqetësim lidhur me problemet e përhapura me të cilat përballen afrikanët, dhe tha se afrikanët myslimanë shpesh bëhen viktima të diskriminimit në vendin e punës ose në shkollë.
“Gratë muslimane me origjinë afrikane përballen me diskriminim të mëtejshëm, kur është fjala për të hyrë në tregun e punës”, tha ai, duke iu referuar diskriminim kundër tyre për shkak pamjes së tyre apo veshjes si muslimane.
“Shumë studentë muslimanë me origjinë afrikane i përshkruajnë përvojat e tyre në shkollë si traumatike, pasi ata nuk përjetojnë vetëm racizmëm por edhe racizmën anti-mysliman,” shtoi Sunga.
Grupi i ekspertëve i OKB-së ka vizituar Gjermaninë këtë muaj për të monitoruar situatën e të drejtave të njerzve me prejardhje afrikane në Gjermani, popullsi e cila vlerësohet të jetë rreth 800.000.
Sunga u bëri thirrje autoriteteve gjermane që të marrin masa të forta për të luftuar të gjitha format e diskriminimit racor, ksenofobisë, afrofobisë dhe intolerancës. /MESAZHI/
