Më shumë se 4.2 milionë njerëz të moshës mes 18 dhe 29 vjeç në Angli janë tashmë të vaksinuar kundër koronavirusit.
Lajmin e bën të ditur Shërbimi Kombëtar Shëndetësor i vendit ndërsa thuhet se rezultatet janë arritur tre javë që nga nisja e programit të vaksinimit për personat mbi 20 vjeç.
Deri në fillim të javës tjetër, autoritetet e shëndetit në vend presin që të kenë vaksinuar gjysmën e të gjithë të rriturve në këtë grup-moshë.
Në Angli, sipas raportimeve, janë hapur me qindra qendra vaksinimi përfshirë ato në stadiume dhe qendra tregtare në përpjekje për të përshpejtuar procesin ndërsa numri i rasteve me Covid-19 vijon të rritet. /abcnews
