Socialdemokratët gjermanë (SPD) nuk kanë marrë ende një vendim përfundimtar mbi bisedimet për një koalicion të ri të qeveritar me kristiandemokratët konservatorë të kancelares, Angela Merkel (CDU), njoftoi lideri i SPD-së, Martin Schulz.
“Ekzistojnë një sërë alternativash për të krijuar një qeveri”, deklaroi Schulz pas një takimi dhe bisedimeve me dyer të mbyllura dje me liderët e SPD-së, kancelaren Merkel dhe liderin e Unionit Kristiansocial (CSU), Horst Lorenz Seehofer.
“Ne nuk jemi nën presionin e kohës”, tha Schulz, duke shtuar se i kishte telefonuar Merkelit për t’u ankuar për burimet e informacioneve që partia e saj raporton në media duke pretenduar se SPD-ja ishte gati për bisedimet e koalicionit.
