Ministrja e Jashtme e Gjermanisë, Annalena Baerbock tha se nuk ka asnjë justifikim për të mos lejuar hyrjen e ndihmave humanitare në Gaza, e cila është nën sulmet izraelite, transmeton Anadolu.
Në deklaratën e saj për gazetarët para takimit të ministrave të Jashtëm të Bashkimit Evropian (BE) në Bruksel, Baerbock tha se situata në Lindjen e Mesme është dramatike dhe se vuajtjet e njerëzve në Gaza, veçanërisht të fëmijëve, nuk mund të shprehen me fjalë.
“Nuk ka asnjë justifikim për të mos lejuar hyrjen e ndihmave humanitare në Gaza”, tha Baerbock.
Ajo thekson se ata deklaruan qartë se ndihma humanitare përfshihet në të drejtën ndërkombëtare dhe se njerëzit në Gaza nuk mund të zhvendosen me forcë.
“Nëse e drejta e palestinezëve për të ekzistuar tani vihet në pikëpyetje nga disa ministra apo nëse ligji ndërkombëtar vihet në dyshim për çështjen e Gazës, kjo sigurisht që do të ketë pasoja për pozicionin e Evropës”, tha Baerbock.
