Një automjet këtë mbrëmje u përplas me një turmë në një treg Krishtlindjesh në qytetin lindor të Gjermanisë, Magdeburg, duke shkaktuar lëndime të shumta, transmeton Anadolu.
Një zëdhënës i qeverisë së shtetit të Saxony-Anhalt i tha transmetuesit publik MDR se ata e trajtojnë incidentin si një “sulm”, pasi makina u fut drejt e në turmë.
Sipas të përditshmes Bild, të paktën 20 persona u plagosën në incident, shumë prej të cilëve u plagosën rëndë. Shoferi është arrestuar menjëherë pas ngjarjes, kanë konfirmuar autoritetet.
Shërbimet e emergjencës dhe zjarrfikësit janë dërguar menjëherë në vendngjarje.
Videot në mediat sociale të cilat besohet se tregojnë incidentin, shfaqin një automjet të errët që po kalonte me shpejtësi drejt turmës. Autoritetet nuk e kanë verifikuar ende vërtetësinë e këtyre videove.
