Babai i Emiliano Sala ka folur për ankthin dhe mosbesimin e tij pas rrëzimit të avionit që mbante futbollistin e humbur të Cardiff City, e që u zbulua në Kanalin Anglez.
Duke folur nga Argjentina, Horacio Sala tha se ishte “i dëshpëruar” pasi një operacion kërkimi i financuar privatisht e gjeti aeroplanin në ujërat në veri të Guernsey të dielën.
“Nuk mund ta besoj. Kjo është një ëndërr. Një ëndërr e keqe. Unë jam i dëshpëruar “, tha Sala për transmetuesin lokal Cronica TV, përcjell lajmi.net.
“Kam komunikuar me ta çdo ditë, por meqë nuk kam WhatsApp, është e vështirë t’i telefonosh ose të më telefonon.
“Ata më thanë se ditët kaluan dhe nuk kishte lajme për Emilianin apo avionin”, ka shtuar më tej babai i Emilianos.
Operacioni i financuar privatisht në emër të familjes Sala u mundësua pas një fushate, ku u mblodhën më shumë se 300,000 mijë euro.
