Në Rripin e Gazës, gjashtë foshnja vdiqën nga ngrirja në javën e fundit.
Zyra për Media e Qeverisë Palestineze në Gaza konfirmoi se foshnja Ali al-Batran vdiq si pasojë e motit të ftohtë. Ajo u zhvendos me familjen e saj dhe jetonte në një tendë në Rripin e Gazës. Në deklaratë thuhet se Juma al-Batran, vëllai i saj binjak, gjithashtu vdiq nga një ftohje e rëndë të dielën.
Gjatë javës së kaluar, gjithsej gjashtë foshnja vdiqën si pasojë e ngrirjes në Rripin e Gazës.
Gjenocidi izraelit vazhdon që nga 7 tetori 2023 në Rripin e Gazës, i cili ka një popullsi prej rreth 2.3 milionë banorë.
Sipas Kombeve të Bashkuara (OKB), nëntë në dhjetë persona në Gaza janë zhvendosur nga sulmet izraelite.
Shumica e palestinezëve të zhvendosur në Gaza janë të detyruar të jetojnë në tenda të improvizuara për shkak të shkatërrimit të madh të shkaktuar nga sulmet izraelite.
Me ardhjen e dimrit jeta e palestinezëve në çadra u vështirësua edhe më shumë për shkak të kushteve të këqija dhe temperaturave të ulëta. Ata nuk i kanë gjërat elementare të jetës si rroba, krevate dhe batanije.
Duke shkelur rezolutën e Këshillit të Sigurimit të Kombeve të Bashkuara që bën thirrje për një armëpushim të menjëhershëm, Izraeli ka vazhduar ofensivën e tij brutale kundër Rripit të Gazës që nga sulmi i 7 tetorit 2023 nga grupi palestinez Hamas.
Që atëherë, më shumë se 45.500 njerëz janë vrarë në Gaza.
Sulmet izraelite kanë zhvendosur pothuajse të gjithë popullsinë e territorit në mes të një bllokade të vazhdueshme të ushqimit, ujit të pastër dhe ilaçeve.
