Një dron izraelit shënjestroi një apartament në pjesën qendrore të Rripit të Gazës, duke vrarë shtatë palestinezë, raporton Anadolu.
Një burim mjekësor tha për Anadolu se trupat e katër palestinezëve dhe disa të plagosur u sollën në Spitalin e Martirëve Al-Aksa pas sulmit në një apartament në kampin e refugjatëve Nuseirat.
Në një deklaratë tjetër, Spitali Al-Awda në Nuseirat tha se trupat e tre personave të tjerë dhe 16 të plagosurve u sollën në spital pas të njëjtit sulm.
Dëshmitarët okularë thanë për Anadolu se një dron izraelit shënjestroi një apartament duke shkaktuar viktima dhe dëme të mëdha në të gjithë ndërtesën.
Izraeli nisi një luftë gjenocidale në Gaza duke vrarë më shumë se 45.200 njerëz, kryesisht gra dhe fëmijë, që nga një sulm ndërkufitar nga grupi palestinez Hamas më 7 tetor 2023.
Gjykata Ndërkombëtare Penale lëshoi urdhrarreste muajin e kaluar për kryeministrin izraelit Benjamin Netanyahu dhe ish-ministrin e mbrojtjes Yoav Gallant për krime lufte dhe krime kundër njerëzimit në Gaza.
Izraeli gjithashtu përballet me padi për gjenocid në Gjykatën Ndërkombëtare të Drejtësisë për luftën e tij kundër Gazës.
