Gavi Paez është kthyer në stërvitje me futbollistët e tjerë të Barcelonës për herën e parë në dhjetë muaj, ka njoftuar skuadra e madhe spanjolle të enjten.
Mesfushori i talentuar ishte operuar në gju, pasi kishte lënduar rëndë ligamentin.
20-vjeçari Gavi u lëndua në nëntorin e vitit të kaluar, gjatë kualifikimeve për në Kampionatin Evropian. Në atë kohë, ai ishte njëri prej lojtarëve më të rëndësishëm të Spanjës, pasi kishte luajtur edhe në Kupën e Botës 2022. Spanja e fitoi Evropianin në Gjermani, por pa Gavin.
Rikthimi i tij në stërvitje është lajm i mirë edhe për Barcelonën, që nuk pritet ta inkuadrojë atë në fushë deri në shërimin e plotë.
