Zyrtarët francezë thonë se nga zjarri në një restorant në qytetin Rouen në Normandi, kanë humbur jetën së paku 13 vetë, ndërsa janë plagosur 6 të tjeerë.
Zjarri e përfshiu lokalin, Cuba Libre, aty kah mesnata gjatë një festimi të ditëlindjes.
Ministri i brendshëm i Francës, Bernard Cazeneuve, tha sot se po zhvillohen hetime për t’i zbuluar shkaqet e zjarrit.
Raportet sugjerojnë se qirinjtë në tortën e ditëlindjes e shkaktuan zjarrin.
Ata që e humbën jetën ishin të moshës 18 e deri në 25 vjeç.
Mendohet se ata janë vrarë nga gazi helmues që është liruar nga tavani i lokalit, i cili ishte përfshirë ga zjarri.
Raportohet se një i plagosur është në gjendje kritike. (REL)
