Fo’rcat iz’raelite vr’anë 4 pa’lestinezë gjatë ba’stisjeve në Bregun Perëndimor

Ushtria izraelite vrau 4 palestinezë gjatë një bastisjeje në qytetin e Jeninit në Bregun Perëndimor të pushtuar, raporton Anadolu.

Dëshmitarët okularë thanë se kishte të vrarë si rezultat i sulmit të ushtrisë izraelite në Jenin dhe bombardimit të sheshit Al-Awda në qytet.

Dëshmitarët njoftuan se ushtarët izraelitë, të cilët bastisën qytetin nga shumë hyrje, rrethuan dhe bombarduan një shtëpi dhe se pati përleshje të armatosura midis palestinezëve që kundërshtuan bastisjen dhe ushtarëve izraelitë.

Në deklaratën e Ministrisë palestineze të Shëndetësisë thuhet se “Pas sulmit të ushtrisë izraelite në Jenin, kufomat e 4 palestinezëve dhe një i plagosur rëndë u sollën në Spitalin Shtetëror të Jeninit”.

Me vrasjet e fundit, numri i palestinezëve të vrarë në sulmet e ushtarëve izraelitë dhe izraelitëve që uzurpuan tokat palestineze në Bregun Perëndimor të pushtuar dhe Kudsin Lindor që nga 7 tetori 2023 u rrit në 565 dhe u plagosën 5.351 palestinezë.

Ushtria izraelite arrestoi shumë palestinezë gjatë bastisjeve në qytetet Qalqilya, Nablus, Ramallah dhe Betlehem në Bregun Perëndimor të pushtuar.

Që nga 7 tetori 2023, kur Izraeli filloi sulmet në Rripin e Gazës, ka patur rritje të arrestimeve, bastisjeve dhe sulmeve kundër palestinezëve në Bregun Perëndimor të pushtuar dhe Kudsin Lindor.