Forcat izraelite shkatërruan një hambar në pronësi të një banori palestinez në lagjen Beit Hanina të Kudsit Lindor të pushtuar, duke përmendur mungesën e autorizimit, raporton Anadolu.
“Policia izraelite na kishte dhënë një afat deri të shtunën, por pastaj në mënyrë të papritur mbërriti për prishjen”, tha Yousef Muhaisen, pronar i hambarit.
Autoritetet izraelite vazhdojnë me një politikë të prishjes së shtëpive të palestinezëve të akuzuar për sulme ndaj ushtarëve dhe kolonëve izraelitë, një praktikë e dënuar gjerësisht si një formë e dënimit kolektiv e ndaluar sipas ligjit ndërkombëtar, pasi shpesh zhvendos familje të tëra.
Tensionet kanë qenë të larta në Bregun Perëndimor që nga lufta izraelite në Gaza, duke vrarë të paktën 947 palestinezë dhe duke plagosur mbi 7 mijë të tjerë që nga tetori i vitit 2023.
Në korrik të vitit 2024, Gjykata Ndërkombëtare e Drejtësisë e shpalli të paligjshëm pushtimin prej dekadash të tokës palestineze nga Izraeli dhe kërkoi evakuimin e të gjitha vendbanimeve ekzistuese në Bregun Perëndimor dhe Kudsin Lindor.
