Hebron – Forcat pushtuese izraelite kanë ndërmarrë një bastisje ushtarake në kampin e refugjatëve Al-Fawwar, në qytetin Hebron të Bregut Perëndimor të pushtuar, pikërisht në momentin kur nxënësit palestinezë po dilnin nga shkolla.
Sipas dëshmitarëve, fëmijët u panë duke ikur të frikësuar, me çantat e shkollës ende në shpinë, ndërsa automjetet ushtarake izraelite hynin në kamp dhe ushtarët shpërndanin gaz lotsjellës e plumba gome.
Ky incident është pjesë e një fushate më të gjerë bastisjesh që ushtria izraelite ka ndërmarrë në territoret e pushtuara që nga fillimi i ofensivës në Gaza, duke sjellë frikë dhe pasiguri të përditshme edhe për civilët në Bregun Perëndimor, përfshirë fëmijët dhe nxënësit. /mesazhi
