Televizioni Al Masirah, i lidhur me lëvizjen Houthi, raporton për sulme të reja ajrore nga Shtetet e Bashkuara në territorin e Jemenit.
Sipas raportimeve, tre sulme kanë ndodhur në provincën qendrore Marib dhe katër të tjera në provincën jugperëndimore Taiz, me objektiv rrjetin e komunikimit në zonën al-Barh të rrethit Maqbanah. Më herët në mëngjes, televizioni raportoi për katër bombardime në aeroportin ndërkombëtar të qytetit portual Hodeidah në Detin e Kuq, si dhe katër sulme të tjera në provincën veriore Saada.
Fushata ajrore e SHBA-ve në Jemen ka nisur më 16 mars, pasi Houthit, të cilët kontrollojnë pjesën më të madhe të vendit, kërcënuan me rifillimin e sulmeve ndaj anijeve të lidhura me Izraelin në Detin e Kuq. Deri më tani, këto sulme kanë shkaktuar qindra viktima në mesin e civilëve jemenas, përfshirë gra dhe fëmijë.
