Sulmet ajrore izraelite në Rripin e Gazës kanë shkaktuar një përshkallëzim të rëndë, veçanërisht në qytetet jugore të Khan Younis dhe Rafah, ku 10 shtëpi banimi janë rrafshuar plotësisht.
Sipas Ministrisë së Shëndetësisë në Gaza, të paktën 22 palestinezë janë konfirmuar të vdekur, përfshirë edhe fëmijë të vegjël. Pamje tronditëse nga qyteti i Rafah tregojnë pasojat e sulmeve, ndërsa civilët përpiqen të mbijetojnë mes rrënojave.
Ekipet e mbrojtjes civile po vazhdojnë kërkimet për të gjetur të mbijetuar që mund të jenë ende të bllokuar nën gërmadha.
Sulmet izraelite janë raportuar edhe në qytetin verior të Beit Lahiya, ku artileria izraelite dhe avionët luftarakë kanë goditur shtëpi banimi. Dëshmitarët okularë kanë konfirmuar se një numër civilësh janë vrarë dhe plagosur nga këto sulme të reja.
Situata në Gaza mbetet tejet kritike, ndërsa bombardimet vazhdojnë në zona të ndryshme të enklavës palestineze.
