Farat e kungullit janë të shijshme, por shpesh neglizhohen. Ato ndihmojnë për të luftuar pagjumësinë, ndihmojnë po ashtu në eliminimin e gurëve në veshka dhe rritjen e imunitetit.
Përfitime të tjera nga farat e kungujve përfshijnë mbrojtjen kundër sëmundjeve tumorale dhe përmirësimin e shëndetit të zemrës. Dhe për ata që duan të fitojnë peshë, mund ta bëjnë përmes konsumimit të farave të kungullit.
Ekstraktet e farave të kungullit kanë përbërës antikancer, duke përfshirë komponimet fenolike. Këto përbërje u janë atribuuar drejtpërdrejt radikaleve të lira. Antioksidantët janë substanca të fuqishme që ndihmojnë trupin të heqin qafe radikalet e lire, nënproduktet e rrezikshme të metabolizmit qelizor që mund të çojnë në një sërë sëmundjesh, duke përfshirë kancerin.
PËRMIRËSOJNË GJENDJEN E PROSTATËS
Farat e kungullit janë të mira për lehtë- simin e simptomave të prostatës së zmadhuar, kryesisht për shkak të aktivitetit të tyre si diuretikë. Kjo e mban prostatën të shëndetshme, duke mbajtur larg kësisoj sëmundjen e kancerit.
REDUKTOJNË INFLAMACIONIN
Disa studime kanë treguar se farat e kungujve kanë vetitë antiinflamatore në trup. Inflamacioni shpesh mund të jetë rezultat i mangësive të ndryshme, duke përfshirë atë të proteinave, vitaminave të ndryshme dhe mineraleve, prandaj shtimi i sasive të mira të proteinave dhe komponimeve antiinflamatore në trupin tuaj do të parandalojë sëmundjen e artritit.
ELIMINOJNË GURËT NË VESHKA
Farat e kungujve kanë qenë të lidhura me një reduktim të toksinave në trup, për shkak të vetive diuretike, si dhe aktivitetin antioksidues. Për më tepër, ato stimulojnë qarkullimin, rrisin shpejtësinë dhe përpunimin e funksioneve të mëlçisë dhe veshkave. Ato promovojnë shëndetin e mirë të veshkave dhe ndihmojnë në detoksikimin e trupit nga sipër në fund.
NXISIN GJUMIN
Nëse ndiheni i lodhur ose i stresuar pas një dite të gjatë, ju mund t’u drejtoheni farave të kungujve për të qetësuar veten dhe për të kaluar një gjumë të mirë natën. Farat e kungullit janë burime të pasura si të magnezit, ashtu edhe të tryptofanit, të cilat janë të lidhura ngushtësisht me qetësimin dhe cilësitë qetë- suese që stimulojnë gjumin.
PARANDALOJNË OSTEOPOROZËN
Farat e kungullit janë jashtëzakonisht popullore për shkak të efekteve të tyre në parandalimin e osteoporozës. Ato kanë nivele të larta të zinkut, kalciumit, bakrit dhe mineraleve të tjera që lidhen me rritjen e densitetit të kockave. Studimet kanë treguar se marrja konsekuente e farave të kungujve mund të zvogëlojë dobësinë e kockave dhe simptomat e osteoporozës.
ULIN KOLESTEROLIN
Një nga komponimet organike unike në farat e kungullit është phytosterols, e cila është e lidhur direkt me nivelet më të ulëta të kolesterolit LDL. Këto phytosterols parandalojnë mpiksjen e gjakut dhe aterosklerozën, duke zvogëluar kështu rrezikun e sulmeve të zemrës dhe goditjeve.
ULIN PRESIONIN E GJAKUT
Për më tepër, nivelet e larta të bakrit te farat kungulli rrisin numrin e qelizave të kuqe të gjakut në trup dhe përmirësojnë kalimin e oksigjenuar të gjakut përmes enëve. Ky fakt, i kombinuar me përmbajtjen e ulët të natriumit, mund të përmirësojë shëndetin e zemrës duke zvogëluar presionin e gjakut.
