Falet namazi i parë i xhumasë në Xhaminë e Madhe të Ajasofjes pas 86 viteve, me pjesërmarrjen e mijëra besimtarëve brenda dhe jashtë xhamisë, raporton Anadolu Agency (AA).
Në programin e hapjes së Xhamisë së Madhe të Ajasofjes, mijëra qytetarë që mbushën Sheshin e Ajasofjes kënduan tekbire. Më pas nga altoparlantët e Xhamisë së Madhe të Ajasofjes u kënduan edhe salate.
Presidenti i Turqisë, Recep Tayyip Erdoğan, recitoi suren el-Fatiha dhe 6 ajetet e para të sures el-Bakare, ndërsa Kryetari i Kryesisë së Çështjeve Fetare e Turqisë (Diyanet), Ali Erbaş, bëri lutjen në fund të programit.
Mijëra qytetarë të mbledhur brenda dhe jashtë Ajasofjes thanë “amin” dhe lexuan suren el-Fatiha.
Më pas në 4 minaret e Xhamisë së Madhe të Ajasofjes u këndua salat nga 4 muezinë. Besimtarët e falën namazin e parë në xhaminë e hapur për faljet të namazit pas 86 vitesh.
