Dy persona raportohet të jenë ekspozuar ndaj materies vdekjeprurëse “sarin” në bazën e rrjetit social Facebook në Kaliforni.
Lajmin e ka konfirmuar për Reuters një zyrtar i sigurisë së kompanisë.
“Kemi dy punonjës të ekspozuar por ata nuk po shfaqin ende simptomat e rrezikshme”, tha zyrtari.
Dy ndërtesat e kompanisë janë evakuuar plotësisht, dhe agjentët e zyrës federale të hetimeve në San Francisko kanë rrethuar objektin për hetime.
Përfaqësuesit e Facebook ende nuk kanë dalë me asnjë deklaratë.
Sarini është një element toksik që prek sistemin nervor dhe përdoret si armë kimike.
