Gjiganti energjetik amerikan, ExxonMobil njoftoi planet për reduktimin e personelit të saj në SHBA për shkak të “kushteve aktuale të papara të tregut”, transmeton Anadolu Agency (AA).
Masa erdhi pas vendimit të kompanisë për të shkurtuar deri në 1.600 vende pune në filialet e saj në Evropë në tetor për të zbutur ndikimin negativ të koronavirusit (COVID-19) të kërkesës së dobët globale të naftës dhe çmimet e ulëta të naftës.
“Ndikimi i COVID-19 në kërkesën për produktet e ExxonMobil ka rritur urgjencën e punës së vazhdueshme të efikasitetit”, tha kompania.
Si pjesë e rishikimit të saj të gjerë botëror të paraljmëruar në fillim të këtij viti, kompania theksoi se parashikon se rreth 1.900 punonjës kryesisht në zyrat e saj të menaxhimit në Hjuston dhe Texas do të preken përmes programeve vullnetare dhe jovullnetare.
Reduktimet e fuqisë punëtore të ExxonMobil “janë rezultat i riorganizimeve të vazhdueshme dhe ndryshimeve të procesit të punës që janë bërë gjatë disa viteve të fundit për të përmirësuar efikasitetin dhe për të ulur kostot”.
Kompania pret që reduktimet të përmirësojnë konkurrencën afatgjate të kostos së kompanisë dhe të sigurojnë që kompania të menaxhojë përmes kushteve aktuale të papara të tregut.
Punonjësve të cilët do të largohen përmes programeve të jovullnetare do t’u ofrohet mbështetje.
