Përpjekjet janë duke u zhvilluar për të vendosur gradualisht kontrollin përtej kufijve të Turqisë, tha presidenti i vendit Recep Tayyip Erdoğan, duke iu referuar një kërcënimi të gjatë terrorist përgjatë kufirit jugor të Turqisë me Irakun dhe Sirinë, dhe operacioneve të bashkërenduara ushtarake për të eliminuar këtë kërcënim, raporton Anadolu.
“Ne e kemi bërë (grupin terrorist) PKK të paaftë të lëvizë ose të kryejë veprime brenda kufijve tanë”, tha Erdoğan në një tubim zgjedhor në provincën Diyarbakır, pranë Sirisë dhe Irakut.
Duke nënvizuar katër dekadat e sulmeve terroriste që ka kaluar Turqia, Erdoğan theksoi se një situatë e tillë nuk mund të tolerohet për 40 vjet të tjera.
Në fushatën e saj terroriste gati 40-vjeçare kundër Turqisë, PKK – e listuar si organizatë terroriste nga Turqia, SHBA-ja dhe BE-ja – ka qenë përgjegjëse për vdekjen e mbi 40.000 njerëzve, duke përfshirë gra, fëmijë dhe foshnja.
Në muajt e fundit, Erdoğan ka theksuar synimin e tij për të eliminuar përfundimisht kërcënimet kufitare deri në fund të kësaj vere.
